दैनंदिन जीवनातील भौतिकशास्त्र (भाग – २)

दैनंदिन जीवनातील भौतिकशास्त्र (भाग – २) हे पुस्तक स्वामी रामानंद तीर्थ मराठवाडा विद्यापीठ, नांदेड येथील भौतिकशास्त्र अभ्यास मंडळाने नवीन शैक्षणिक धोरण २०२० नुसार तयार केलेल्या अभ्यासक्रमावर आधारित आहे. हा विषय बी. एससी. द्वितीय वर्षाच्या जनरल इलेक्टिव्ह अभ्यासक्रमासाठी आहे, तसेच इतर शाखांतील विद्यार्थ्यांनाही आपल्या आवडीचा विषय शिकण्याची संधी उपलब्ध करून देतो.

या पुस्तकामध्ये भौतिकशास्त्रातील संकल्पना सोप्या मराठी भाषेत सचित्र स्वरूपात मांडण्यात आल्या आहेत. अभ्यासक्रमात खालील महत्त्वाच्या विषयांचा समावेश करण्यात आला आहे:

• पृथ्वीचे वातावरण, सूर्य, चंद्र, तारे यांचा अभ्यास

• प्रकाशाचे परावर्तन व अपवर्तन, इंद्रधनुष्याची निर्मिती

• मानवी शरीरातील अवयव – डोळ्यांची रचना, कानाची रचना, ध्वनी लहरी, ऐकण्याची क्रिया, ध्वनीचे मोजमाप

• खेळातील भौतिकशास्त्र – विविध खेळांमध्ये वापरले जाणारे विज्ञानाचे नियम व संकल्पना

• दैनंदिन तंत्रज्ञान – जीपीएस, मोबाईल, एलसीडी, मेमरी कार्ड, टेप रेकॉर्डर, दुर्बीण, मायक्रोस्कोप यांसारख्या उपकरणांमागील भौतिकशास्त्राची तत्त्वे

हा अभ्यासक्रम विद्यार्थ्यांमध्ये विज्ञानाची आवड निर्माण करून त्यांच्या सर्वांगीण विकासास हातभार लावेल, यासाठी पुस्तकाची मांडणी केली आहे. विद्यार्थ्यांना दैनंदिन जीवनातील घटनांचा वैज्ञानिक दृष्टिकोनातून विचार करण्याची क्षमता विकसित करण्याचा प्रामाणिक प्रयत्न केला आहे.